माँ

Kyun tere haath ki chai

Lagti itni meethi hai,

Kyun swaad tere chulhe ki

Kahin aur nai milti.

Maa, tu kyun itni achhi hai?

Godi mein tere

Jannat ki hai chaav,

Aanchal mein teri

Sukoon hoon paati. 

Maa, tu kyun itni achhi hai?

Khamoshiyon mein chhupi

Baatein sunn leti,

Chehra dekhke

Dil padh leti.

Maa, tu kyun itni achhi hai?

Ghar hai tu, duniya bhi.

Aaina hai tu, parchhai bhi.

Hasi mein tere hausla hai mila,

Dard mein paayi duaein teri. 

Maa, tu kyun itni acchi hai? 

- Sayantani Sarkar.